Kam ke aslê xo nas nêkeno, Roştia dina ra dür maneno. Hardê xo siao; hewrê xo puko. Qirxlaro ser sero.
Zikr u duazé ma, Qurvan u niyazé ma Çerx u pervazé ma, Veng u vazé ma Thomır u sazé ma, Sewda u avazé ma Şero oli divan´de, tawuyé Haq´de qeym u qewul bo.
Xızır, Duzgı ! Çıme kes ra u olagura meverde Qılavuze xêr ra mafiye Çhiriya şiaye kes re mevere Xêr weşiye ma caye ma resne
Van ke, derd u bela mara dür şêro. Zerrê ison agwa zalal bo. Her kês jubini de hast u delal bo. Qirxlaro ser sero.
Cem u cemat marê rindo. Pil u qiz, wa u bırao. Cennet-ceneme na dina dero. Urzê, şimê mekanê Duzguni! şimê mekanê Munzur Bavay!
Uyo ke sarri rê rameno, sarri rê çineno, rozê yena ke vergi ra vêsan, morri ra vıran maneno!
Wayır Rısko xêr, azo xêr sıma do Neq sıma ra dür bero Sıma motaze muxanet mekero !
Her vas koka ho ser roino, Thayr zone hode waneno !
Xızır wayire sıma bo Duzgın aze xêr sımado Ana Fatma sıma zuminre xêrkero Kata sone Qılawuzo xêr sımadebo Pire mı Bamasur olvoze sımabo
Ya Tija homete ! Ravê can u roy de, Wa u bıray de Ded u derezay de, Xal u werezay de Dar u kemeri de, Vergê yavani de Dıma ki maê neçari de
Toon/Verberg commentaar formulier