Van ke, derd u bela mara dür şêro. Zerrê ison agwa zalal bo. Her kês jubini de hast u delal bo. Qirxlaro ser sero.
Xızır wayire sıma bo Duzgın aze xêr sımado Ana Fatma sıma zuminre xêrkero Kata sone Qılawuzo xêr sımadebo Pire mı Bamasur olvoze sımabo
Xızır, Duzgı ! Çıme kes ra u olagura meverde Qılavuze xêr ra mafiye Çhiriya şiaye kes re mevere Xêr weşiye ma caye ma resne
Khures sıma de ordımkero Xane sıma Xane Xızır bo Rısqe sıma je uwa Munzır bo !
Van ke, qule dina pêro rind bo. Gowendê ma cemi de tew kuyo. Roz u cemalê na alemi de, Qirxlaro ser sero .
Wayır Rısko xêr, azo xêr sıma do Neq sıma ra dür bero Sıma motaze muxanet mekero !
Juar u diyari sıma Raa Haq ra dür mefiyê Honde ke sıma wesiye Wayır keder hilayiya sıma nêdo Dezo gıra cane sıma nêkero
Zikr u duazé ma, Qurvan u niyazé ma Çerx u pervazé ma, Veng u vazé ma Thomır u sazé ma, Sewda u avazé ma Şero oli divan´de, tawuyé Haq´de qeym u qewul bo.
Kam ke aslê xo nas nêkeno, Roştia dina ra dür maneno. Hardê xo siao; hewrê xo puko. Qirxlaro ser sero.
Cem u cemat marê rindo. Pil u qiz, wa u bırao. Cennet-ceneme na dina dero. Urzê, şimê mekanê Duzguni! şimê mekanê Munzur Bavay!
