Xızır, Duzgı ! Çıme kes ra u olagura meverde Qılavuze xêr ra mafiye Çhiriya şiaye kes re mevere Xêr weşiye ma caye ma resne
Khures sıma de ordımkero Xane sıma Xane Xızır bo Rısqe sıma je uwa Munzır bo !
Van ke, derd u bela mara dür şêro. Zerrê ison agwa zalal bo. Her kês jubini de hast u delal bo. Qirxlaro ser sero.
Ya Tija homete ! Ravê can u roy de, Wa u bıray de Ded u derezay de, Xal u werezay de Dar u kemeri de, Vergê yavani de Dıma ki maê neçari de
Juar u diyari sıma Raa Haq ra dür mefiyê Honde ke sıma wesiye Wayır keder hilayiya sıma nêdo Dezo gıra cane sıma nêkero
Cem u cemat marê rindo. Pil u qiz, wa u bırao. Cennet-ceneme na dina dero. Urzê, şimê mekanê Duzguni! şimê mekanê Munzur Bavay!
Uyo ke sarri rê rameno, sarri rê çineno, rozê yena ke vergi ra vêsan, morri ra vıran maneno!
Zikr u duazé ma, Qurvan u niyazé ma Çerx u pervazé ma, Veng u vazé ma Thomır u sazé ma, Sewda u avazé ma Şero oli divan´de, tawuyé Haq´de qeym u qewul bo.
Van ke, qule dina pêro rind bo. Gowendê ma cemi de tew kuyo. Roz u cemalê na alemi de, Qirxlaro ser sero .
Wayır Rısko xêr, azo xêr sıma do Neq sıma ra dür bero Sıma motaze muxanet mekero !
Reacties
